Президенттік жаңа жылдық шырша

2021 жылғы 24 желтоқсанда сағат 11.00 –де Щучинск қаласының № 10 мектеп-интернатында Қазақстан Республикасы Президентінің атынан жаңа жылдық шырша өткізілді. Бұл іс-шараға Бурабай ауданының барлық мектептерінен 9-13 жас аралығындағы қамқорлықтағы және патронаттағы балалар шақырылды. Қазақстан Республикасы Мемлекет басшысының атынан балаларды құттықтауға Бурабай ауданы бойынша білім бөлімінің басшысы Ж. М. Төлегенов келді.
 Жангелді Мейрамұлы іс-шараның қонақтары мен балаларын келе жатқан мерекемен құттықтап, әр балаға Қазақстан Республикасы Президентінің атынан бағалы сыйлықтар, жаңа жылдық сыйлықтар және 100 000 мың теңге көлемінде ақшалай сертификат табыс етті.
Мерекелік іс-шараға ертегі кейіпкерлері, Аяз Ата мен Ақшақар қатысты. Мерекеден кейін де балалар ұзақ уақыт бойы тарамай, әсем шыршаның жанында суретке түсті. Балалар мен қамқоршылар өте риза болып , осы мерекеден жақсы көңіл-күй алды.

Әлеуметтік педагог Байкенова А.Т.