Ауғанстаннан әскерлер шығарылған күнінің 32 жылдығына арналған ардагерлермен кездесу

2021 жылғы 17 ақпанда «Щучинск қаласының №1 мектеп-гимназиясы»  КММ Ауғанстаннан әскерлерді шығарғанына 32 жыл толуына орай дөңгелек үстел өткізілді. Оқушылармен кездесуге ардагер интернационалист-жауынгерлер: Бурабай ауданы бойынша «Ауғанстан ардагерлері одағы» қоғамдық бірлестігінің төрағасы Б.С. Буланов, Ауған соғысының ардагері Р.Б. Умертаев; Чернобыль АЭС – індегі аварияны жоюға қатысушы, Еңбек ардагері В. В. Лешин қатысты. Ардагерлер кездесуге қатысушылармен қызметте болған естелік оқиғалар туралы, Отаннан тыс жерде өздерінің әскери борыштарының орындалуы туралы естеліктерімен бөлісті. Соғыс қимылдарының қиыншылықтары мен қиындықтары туралы еске алып, оқушылар қойған сұрақтарға жауап берді. Ардагерлер өздерінің ерліктері мысалында жанқиярлық, нағыз батылдық пен ұлы іске деген адалдық туралы айтып, жас ұрпақты өз Отанын сүюге, жақсы оқуға, қоғамға пайдалы болуға шақырды. Кездесу соңында қаза тапқандарды бір минут үнсіздікпен еске алды. Ардагерлерге интернационалист-жауынгерлерге, еңбек ардагерлеріне ерлігі, батырлығы, батылдығы үшін үлкен алғысымызды білдіреміз.

Директордың ТЖ жөніндегі орынбасары Б.Н.Абдульманова